ස්වීට්සර්ලන්ත තානාපති ඇමැති තලතා හමුවෙයි | දිනමිණ

ස්වීට්සර්ලන්ත තානාපති ඇමැති තලතා හමුවෙයි

අධිකරණ හා බන්ධනාගාර ප්‍රතිසංස්කරණ ඇමැති නීතිඥ තලතා අතුකෝරළ මහත්මිය හා ශ්‍රී ලංකාවේ ස්වීට්සර්ලන්ත තානාපති හාන්ස් පීටර් මහතා අතර හමුවක් ඉකුත්දා (20) අධිකරණ හා බන්ධනාගාර ප්‍රතිසංස්කරණ අමාත්‍යාංශයේදී පැවැත්විණි.

දෙරට අතර අධිකරණ පද්ධතිය අතර සහයෝගිතාවය ඇති කර ගැනීම පිළිබදව මෙහිදී අදහස් හුවමාරු විය. අධිකරණයේ ස්වාධීනත්වය නීතියේ ආධිපත්‍යය සුරක්ෂිත කිරීම සදහා ශ්‍රී ලංකා රජය ගෙන ඇති ක්‍රියාමාර්ග අගය කරන බව මෙහිදී තානාපතිවරයා සදහන් කළේය.

මෙරට අධිකරණ පද්ධතියේ සංවර්ධනය, පුහුණුවීම්, නීතිමය ප්‍රතිසංස්කරණ දැනුම ලබාදීම වැනි කටයුතු සඳහා ස්වීට්සර්ලන්ත රජය ලබා දෙන සහයෝගය ඉතා අගය කරන බවද ඇමැතිවරිය මෙහිදී සඳහන් කළාය.


නව අදහස දක්වන්න