භක්ති ධර්මප්රිය මෙන්ඩිස්
ගාල්ල මහින්ද සහ රිච්මන්ඩ් විද්යාල අතර පැවැති ආදරවන්තයින්ගේ සටනේදී රිච්මන්ඩ් විද්යාලය කඩුලු හයක විශිෂ්ට ජයක් ලබා ගත්තේය. ගාල්ල ජාත්යන්තර ක්රිකට් ක්රීඩාංගණයේදී පසුගියදා මේ තරගය පැවැත්වූයේ 114 වැනි වරටය.
තරගයේ දෙවැනි සහ අවසන් දිනයේ පස්වරුවේ රිච්මන්ඩ් ක්රීඩකයෝ ලකුණු 215 ක ජයග්රාහී ඉලක්කය පන්දු වාර 44.3 කදී කඩුලු හතරක් පමණක් දැවී සම්පූර්ණ කිරීමට සමත්වූහ. එය වසර 4ක් ඇතුළත රිච්මන්ඩ් විදුහල් පිල ආදරවන්තයන්ගේ සටන ජයගත් දෙවැනි අවස්ථාව විය. මීට පෙර රිච්මන්ඩ් විදුහල 2015 වසරේදී සිතාර ගිම්හානගේ නායකත්වයෙන් ආදරවන්තයන්ගේ සටන ජයගත්තේය.
මහින්ද විදුහල කඩුලු 9 ක් දැවී ලකුණු 161 ක් රැස්කර සිටියදී දෙවැනි ඉනිම අත්හිටුවා රිච්මන්ඩ් විදුහලට ජයග්රහණය සඳහා පන්දුවාර 45 කදී ලකුණු 215 ඉලක්කයක් ලබා දුන් අතර පන්දු 92 කදී හතරේ පහර අටක් සහ හයේ පහර දෙකක් එල්ල කරමින් නායක තවීෂ අභිෂේක් සිය කණ්ඩායම ජයග්රහණය දක්වා රැගෙන ගියේය.
මහින්ද විදුහල පළමු ඉනිම ඕවර 63.3කදී සියලු දෙනා දැවී 197 ( නිපුන් මාලිංග 44, කෞෂිත කොඩිතුවක්කු 36, විදුර දුල්සර 27, නවෝද් පරණවිතාන 26, දිලුම් තිලකරත්න 49/5, සඳුන් මෙන්ඩිස් 53/3, දිමුත් සඳරුවන් 33/2)
රිච්මන්ඩ් විදුහල පළමු ඉනිම ඕවර 45.2 කදී සියලු දෙනා දැවී ලකුණු 144 (ආදිත්ය සිරිවර්ධන 20, සඳුන් මෙන්ඩිස් 36, විනුජ සප්නක 21, කුෂාන් මදූෂ 20/5, අශේන් කණ්ඩම්බි 8/2, නවෝද් පරණවිතාන 21/2)
මහින්ද විදුහල දෙවැනි ඉනිම ඕවර 34.3 කදී කඩුලු 9 ට 161 (හංසික වැලිහින්ද 71, නවෝද් පරණවිතාන 30, දිලුම් තිලකරත්න 57/4, කල්ප නෙත්සර 32/3)
රිච්මන්ඩ් විදුහල දෙවැනි ඉනිම ඕවර 44.3 කදී කඩුලු 4 ට 215 (තවීෂ අභිෂේක් නොදැවී 99, භානුක මනෝහර 40, ආදිත්ය සිරිවර්ධන 26, දිලුම් තිලකරත්න 42)
නව අදහස දක්වන්න