ආරවුලක් දුරදිගගොස් වන්දි ගෙවිමට සිදුවීමක් පාතහේවාහැටින් වාර්තා වෙයි. එය ප්‍රදේශයේ ප්‍රසිද්ධ පාසලකි. එහි නවවැනි ශ්‍රේණියේ ශිෂ්‍යයන් දෙදෙනෙකු අතර පසුගිය දිනක බහින්බස් වීමක් සිදුවී ඇත. දෙදෙනාගේම යහළුවන් දෙදෙනාව උසි ගැන්වීමක් කර බහින්බස්වීම උග්‍රකර ඇත. ඉන්පසු එක් ශිෂ්‍යයකු විසින් අනෙකාට වැරෙන් කනේපාරක් ගසා ඇත. එය කෙතරම් දරුණුවීද යත් පහරකෑ සිසුවාගේ කන ඇසීම දුර්වලවී වේදනාවෙන් පෙළෙන්නට විය. මෙය ඔවුන්ගේ මවුපියන් අතරටද ගොස් ඇත. ඉන්පසු පහරකෑ සිසුවාගේ මව්පියන් පහරදුන් සිසුවාට විරද්ධව පාතහේවාහැට සමථ මණ්ඩලයේ පැමිණිල්ලක් කිරීමෙන් පසු එය සමථකරුවන් ඉදිරියේ විභාගයට ලක්ව ඇත. මෙහිදී පහරකෑ සිසුවාගේ මවුපියන් තම දරුවාට සිදුවූ හානියට වන්දි මුදලක් ඉල්ලා සිටියහ. පසුව දෙපාර්ශ්වයේම එකඟත්වය මත පහරකෑ සිසුවාට රුපියල් 20,000 වන්දියක් එකවර ගෙවීමට එකඟවීමෙන් ආරවුල සමථයකට පත්විය.
පී.ඒ.කපුරුබණ්ඩාර ආරච්චි
නව අදහස දක්වන්න