අහංගම තිත්තගල්ල හත්දෙනිවත්ත පදිංචිව සිටින කනත්තගේ චාන්දනී දියවැඩියා රෝගයෙන් පීඩා විදින 52 දෙහැවිරිදි දෙදරු මවකි. ඇයගේ කකුල්වල හටගත් තුවාල කීපයකට ප්‍රතිකාර ගැනීමට කරාපිටිය ශීක්ෂණ රෝහලට ඇතුළු වූ විට එක් කකුලක තුවාලයක් උග්‍ර තත්ත්වයට පත්වී තිබිම නිසා එම රෝහලේ විශේෂඥ ශල්‍ය වෛද්‍ය එම්. එම්. ඒ. ජේ. කුමාර මහතා විසින් ඇයගේ දකුණු කකුලේ විලුඹ කොටස සැත්කමක් මඟින් ඉවත් කොට තිබේ. එම තුවාලය සුවවන තෙක් ඇදෙන් බිමට නොබැස සිටින ලෙස උපදෙස් දී ඇති වෛද්‍ය කුමාර මහතා එම පාදයේ අස්ථිය බිදුන හොත් කකුල කපා ඉවත් කිරිමට
සිදුවන බවට අනතුරු අඟවා ඇත. මේ තුවාලයට බෙහෙත් දැමීම සදහා විශාල මුදලක් වැයවන අතර ආර්ථික වශයෙන් දුර්වල තත්ත්වයක සිටින චාන්දනීගේ සැමියා වන ඊ. කේ. නන්දසේන මේ නිසා අසරණ තත්ත්වයකට පත්ව සිටියි. ස්ථිර රැකියාවක් නොමැති නන්දසේන කුලි වැඩ කර බිරිය නඩත්තු කළ නමුත් ඇය ලෙඩ ඇඳට වැටීම නිසා නන්දසේනට රැකියාවකට යෑමටද නොහැකි වී ඇත.
කටුමැටි ගැසූ කුඩා නිවහනක ජීවත් වන මේ යුවළට දරුවන් දෙදෙනෙක් සිටින නමුත් ඔවුන්ද ආර්ථික වශයෙන් ශක්තිමත් අය නොවේ. එම නිසා මේ රෝගි කාන්තාවගේ කකුලේ තුවාලයට බෙහෙත් ගැනීම සදහා සහ ජීවත්වීම සදහා ආධාරයක් කරන ලෙස එම යුවළ මහජනතාවගෙන් උපකාර බලාපොරොත්තු වෙති.
දකුණු පළාත් සංචාරක
එස් දීයගහගේ
නව අදහස දක්වන්න