මත් ද්රව්ය නිවාරණය වෙනුවෙන් සිය රාජකාරිය නිසි ලෙස ඉටුකළ අම්බලන්තොට පොලිස් ස්ථානාධිපති පොලිස් පරීක්ෂක ජගත් විජේගුණරත්න මහතාට ජනාධිපති ප්රසාද සම්මානය හිමිවීම නිමිත්තෙන් අම්බලන්තොට ජනතාව විසින් ස්ථානාධිපතිවරයා පිළිගැනීමේ උත්සවයක් පසුගියදා සංවිදාන කර තිබිණි. මත් ද්රව්ය නිවාරණය කිරීම වෙනුවෙන් කැප වූ පොලිස් නිලධාරින්ට ජනාධිපති සම්මාන පිරිනැමීම පසුගියදා කොළඹ දි සිදු කෙරිණි. එහි දී දකුණු පළාතේ පොලිස් ස්ථාන අතරින් අම්බලන්තොට පොලිස් ස්ථානාධිපතිවරයාට ජනාධිපති සම්මානය හිමි වී ඇත. අම්බලන්තොට පොලිස් ස්ථානාධිපති පොලිස් පරීක්ෂක ජගත් විජේගුණරත්න මහතා ට හිමි වූ සම්මානය ඇගයීමට ලක් කිරීම හා අම්බලන්තොට නගරය ඇතුළු පොලිස් බල ප්රදේහයේ මත් ද්රව්ය නිවාරණයට ගත් ක්රියා මාර්ග වෙනුවෙන් අම්බලන්තොට ජනතාව සමඟ පොලිස් ස්ථානයේ සියලුම නිලධාරීන් එක්ව පිළිගැනිම සිදු කෙරිණි. ගත වූ වසර තුළ පමණක් අම්බලන්තොට පොලිස් බල ප්රදේශයෙන් මත් කුඩු ජාවාරමේ යෙදුණු පුද්ගලයන් අත්අඩංගුවට ගෙන ඔවුන් 26 දෙනෙක් නැවත පුනරුත්ථාපනය සඳහා යොමුකිරීම වෙනුවෙන් විශේෂයෙන් මේ සම්මානය හිමි වූ බව අම්බලන්තොට පොලිස් ස්ථානාධිපති ජගත් විජේගුණරත්න මහතා මෙහිදී සඳහන් කළේය. මත්කුඩු හා ගංජා ජවාරම් කරුවන් 99 දෙනෙක් අත් අඩංගුවට ගෙන ඇති අතර ඉන් 26 දෙනෙක් පුනරුත්ථාපනය කිරිමට යොමු කිරීමට හැකි වූ බවද කීය. ජාවාරම් කරුවන්අතර කාන්තාවන් 7 දෙනෙක් සිටීමද විශේෂත්වයක් වි ඇත.
මෙයට අමතරව මත් කුඩු හා ගංජා ළඟ තබා ගැනීමේ වරදට පුද්ගලයන් 385 දෙනෙක් අත් අඩංගුවට ගෙන තිබේ. නිති විරෝධි මත්පැන්, මහ රා, මත්පැන් වැඩි මුදලට විකිණිම් යටතේ ද පුද්ගලයන් 332ක් අත් අඩංගුවට ගත් අතර සම්පූර්ණව 2018 වසර තුළදී පමණක් මත් ද්රව්ය වැරැදි සම්බන්ධයෙන් පුද්ගලයන් 1376 දෙනෙක් අත් අඩංගුවට ගැනීමට හැකි වූ බවද මේ සම්මානය තනිවම ලබා ගත් එකක් නොවන බවත් අම්බලන්තොට ප්රදේශයේ ජනතාව ලබා දුන් තොරතුරු හා සහාය මෙන්ම සෙසු නිලධාරීන්, මාධ්යවේදීන්ද දැක් වූ සහාය අගේ කරන බවද ඒ මහතා මෙහි දී කීය.
නව අදහස දක්වන්න