සමස්ත ලංකා පාසල් නාට්ය තරගාවලියේ භූමිකා යුගල අංශයේ ප්රථම ස්ථානය ගාල්ල රිපන් බාලිකා විද්යාලයේ සප්නා සංජනා වේරගොඩ සහ නිපුනි වත්සලා කෝදාගොඩ යන ශිෂ්යාවන් දිනා ගැනීමට සමත් වී සිටිති . අඛණ්ඩව පුරා වසර හතරක් දකුණු පළාත් ප්රථම ස්ථානය දිනා ගැනීමටද මොවුහු සමත් වී සිටිති.
මෙවර ජීව විද්යා අංශයෙන් උසස් පෙළට මුහුණ දුන් සප්නා සංජනා ශිෂ්යාව පසුගිය වසරේ පැවති සමස්ත ලංකා නාට්ය තරගාවලියේ විදේශීය පරිවර්ථන කෙටි නාට්ය තරග අංශයේ දක්ෂතම නිළිය ලෙස ජූරියේ ගෞරව සම්මානයට පාත්ර වී ඇත. මොවුන් දෙපළගේ සහජ හැකියාව ඔප මට්ටම් කොට වටිනාකමක් ලබා දීමට වෙහෙස මහන්සි වී කටයුතු කර ඇත්තේ පාසලේ නාට්ය හා රංග කලා ගුරුවරිය වන සචිනි ධනුෂ්කා මහත්මියයි. විදුහල්පතිනි එම්.ආර්.එස්. අයිරාංගනී මහත්මියගේ නොමද සහාය අවශ්ය සෑම විටම තමන්ට ලැබුණු බව මේ සිසුවියෝ කීහ.
හික්කඩුව සමූහ බුද්ධික වීරසිංහ
නව අදහස දක්වන්න