කැළණි පෙරහැරට රථ වාහන සැලැස්මක් | දිනමිණ

කැළණි පෙරහැරට රථ වාහන සැලැස්මක්

කැළණිය රජමහා විහාරය මගින් සංවිධාන කරන පෙරහැර අද,හෙට සහ 23 වන දිනයන්හි දී පස්වරු 3.00 සිට සවස 6.30 දක්වා වීථි සංචාරය කිරීමට කටයුතු යොදා තිබේ.

ඒ හේතුවෙන් මාර්ග කිහිපයක රථ වාහන ධාවනය සීමා කර ඇති අතර විකල්ප මාර්ග භාවිත කරන්න ලෙස පොලීසිය ජනතාවගෙන් ඉල්ලා සිටීයි.

එළබෙන 27 වන දින කැළණිය විහාරස්ථානයේ දේවදූත පෙරහැර පැවැත්වෙන බැවින් බියගම පාර, පිලපිටිය හන්දිය, ගෝණගම්පල පාර, වරාගොඩ පාර, නූම්ගම්ගොඩ හන්දිය, ගල්බොරැල්ල, විහාර මාවත ඔස්සේ යලි විහාරස්ථානයට පිවිසීම සිදුවේ.

මේ හේතුවෙන් තොරණ හන්දියෙන් වරාගොඩ මාර්ගය ඔස්සේ කැළණිය දෙසට වාහන ඇතුල් නොකරන අතර ඒ සදහා විකල්ප මාර්ග හදුන්වා දී තිබේ.

කොළඹ දෙස සිට කැළණිය හරහා බියගම මාර්ගය ඔස්සේ ගමන් ගන්නා වාහන පෑලියගොඩ, පට්ටිය හන්දියෙන් කිරිබත්ගොඩ දෙසට ගමන් කර සපුගසකන්ද හරහා බියගම දෙසට ගමන් කළ හැක.

බියගම දෙස සිට කොළඹ දෙසට ගමන් ගන්නා වාහන නාගහමුල හන්දියෙන් දකුණට හරවා සපුගස්කන්ද, මාකෙළ, කිරිබත්ගොඩ හරහා කොළඹ දෙසට ගමන් කළ හැකි බවද කැලණිය පොලීසිය වැඩිදුරටත් සඳහන් කරයි.


නව අදහස දක්වන්න

CAPTCHA
This question is for testing whether or not you are a human visitor and to prevent automated spam submissions.
Image CAPTCHA
Enter the characters shown in the image.

Or log in with...