සැප්තැම්බර් 02 ජනපතිගෙන් විශේෂ පණිවිඩයක්

ජනාධිපති මෛත්‍රීපාල සිරිසේන විසින් සැප්තැම්බර් 02 වැනිදා පැවැත්වෙන ශ්‍රී ලංකා නිදහස් පක්ෂ සංවත්සර උත්සවයේදී වැදගත් පණිවුඩයක් ලබාදීමට සූදානමින් සිටින බව බස්නාහිර පළාත් ප්‍රධාන අමත්‍ය ඉසුර දේවප්‍රිය පවසයි.

ඔහු සදහන් කලේ ශ්‍රී ලංකා නිදහස් පක්ෂයේ සියලුම ආසන සංවිධායකවරුන් ජනාධිපතිවරයා සමග සිටින බැවින්  සංවත්සරය සාර්ථක කර ගැනීමට හැකියාව ලැබෙනු ඇති බවයි.

 පළාත් ප්‍රධාන අමත්‍ය ඉසුර දේවප්‍රිය ඒ පිලිබදව කරුණු සදහන් කලේ බස්නාහිර පළාත් ප්‍රධාන අමාත්‍ය කාර්යාලයේදී අද (02) පැවති මාධ්‍ය හමුවකට එක්වෙමිනි.

එම උත්සවය වෙනුවෙන් තමන් කොළඹ නගරය නිලෙන් සරසන බවත් මහ ඇමතිවරයා සඳහන් කළේය.

වැඩිදුරටත් අදහස් දක්වමින් ඉසුර දේවප්‍රිය කියා සිටියේ ආණ්ඩුව කඩා බිඳ දැමීමට ශ්‍රී ලංකා නිදහස් පක්ෂයේ කිසිවෙකු සූදානම් නැති බවත්, 2020 වන තුරු ප්‍රධාන මැතිවරණයක් නොපැවැත්වෙන බැවින් ඊට පෙර ආණ්ඩුවක් පිහිටුවීමට කිසිම පක්ෂයකට බලය ලැබී නැති බවත්ය.


නව අදහස දක්වන්න

CAPTCHA
This question is for testing whether or not you are a human visitor and to prevent automated spam submissions.
Image CAPTCHA
Enter the characters shown in the image.

Or log in with...