පුංචි පුතුට පිහිටවන්න | දිනමිණ

පුංචි පුතුට පිහිටවන්න

දෙමාපියන් දෙදෙනා වෙනත් විවාහයන් කරගැනිමෙන් පසු ආච්චි අම්මා ලග තනිවූ කුඩා දරුවෙකු පිළිබදව හුංගම උතුරු බටඅත රන්න නැගෙනහිර ග්‍රාමසේවා වසමෙන් වාර්තාවේ.

මෙම දරුවා කුඩා කාලයේ දිම පියා වෙනත් විවාහයක් කරගෙන ඇති අතර පසුව මවත් තවත් විවාහයක් කර ගැනිම නිසා දරුවා ආචිචි ලඟ තනිවී ඇත.

නිවසක් කියා පැවැසිමට වත් නොහැකි  ඉටිකොළ, පොලිඅතු, ටකරන් වැනි දෙයින් අහුරාගෙන තනාගෙන ඇති  කුඩා පැල්පතේ ලෑලි කිහිපයක් මත  අනාරක්ෂිතව කුසට අහරක් හරියට නැතිව අකුරු කරන්නට මේසයක් පුටුවක් වෙනුවට කොටන් දෙකක් යොදාගෙන මෙවුන් කටුක ජීවිතයක් ගතකරයි.

හුංගම නගරයේ සිට ප්‍රධාන මාර්ගයේ  බටඅත රුවින්ගම හංදියට පැමිනි පසු ප්‍රධාන මාර්ගයේ වම් පැත්තේ ගල් කොරිය පාර හෙවත් වෙහෙරගල පාරේ දුෂ්කර මාර්ගයක කිලෝ මීටර් එක හමාරක් පමණ ගිය විට මේ අසරණ දරුවා සමඟ ආච්චි ජීවත්වන කුඩා පැල්පත හමුවේ මේ දුක් මුසු කථාවේ ආරම්භය ජී.ජී.කේ චන්ද්‍රා ආච්චි මෙසේ පවසයි.

මට දුවෙක් සහ පුතෙක් සිටියා දුවගෙ දරුවා තමයි මේ ඉන්නේ  මේ දරුවා මාස තුනේ දි පමණ තාත්ත වෙන කසාදයක් කරගත්ත.

ඊට පස්සේ දුව මම ලඟ සිටිය දරුව එක්ක ඉට පස්සේ දුවත් වෙන විවාහයක් කරගත්ත දරුවට දුව කැමැතියි ඒත් බාප්ප සමඟ දරුවා තියාගන්න බැහ කියල දරුවා මගේ ලඟ ඉන්නවා.
 
දුව හිඳ හිට දරුවා බලන්න එනවා. ඒත් දරුවා වෙනුවෙන් සියල්ල කරන්නේ මම මම කුලියට ගඩොල් කපනවා. ඒත දැන් බැහ කොන්දේ කැක්කුමක් නිසා දරුවා හරි ආසයි ඉගනගන්න.
 
ඉතින් මට සල්ලි නැහැ දරුවාට කන්න දෙන්නෙත් බෙහොම අමාරුවෙන් දරුවාට දැන් වයස අවුරුදු අටක් වෙනවා.
 
දරුවව කිසිම පාසලකට ගත්තේ නැහැ පස්සේ දරුවව පිරිවෙනකට දැම්ම.  මට මොකුත් අවශ්‍ය නැහ මේ දරුවා ඉලන්නෙ ගෙයක් හදල හදල දෙන්න.
 
මෙම අසරණ පවුලේ තත්ත්වය සම්බන්දව දැන ගැනිම සිදු වුයේ හුංගම හාතගල නිල්වලා විද්‍යාලයට තරිඳු මධුසංක ඇතුලත් කිරීමෙන් පසුය.
 
හාතාගල රජමහා විහාරාධිපති  සුමංගල පිරිවෙනේ  හා නිල්වලා විද්‍යාලයේ  අධ්‍යක්ෂ පල්ලේගම ජිනරතන  නායක හාමුදුරුවො මෙසේ සඳහන් කලහ.
 
ආච්චි අම්ම සමඟ මේ දරුවා අපේ පිරිවෙනට ආවා දරුවා ට පාසල් යවන්න අවශය බව කිව්වා මේ අය පදිංචි ප්‍රදේශයේ සිට පාසල් කිහිපයක් පහු කරගෙන පැමිනි නිසා ඇයි කියල ඇහුවම ආච්චි කිව්වා  ඒ කිසි ම පාසලකට දරුවා ගන්න බැහ කිව්වා කියල.
 
දරුවා අපි නිල්වලා විද්‍යාලයේ බඳවා ගත්තා දෙවන වසරේ ඉගනුම ලබනව. පංතිභාර මිස් මට ඇවිත් කිව්වා මේ දරුවාට හොඳට ඉගෙන ගන්න පුළුවන් ඒත් ගෙදර මොනවා හරි ප්‍රශ්න ඇති බව දැනෙනනවා කියලා ගුරුවරයා ළමයාට සමිපවිම නිසා දරුවාගේ තත්ත්වය හඳුනා ගැනිමට එම ගුරුවරිය සමත් වු බව දැන ගත්තේ අපේ ගුරුවරු දෙන්නෙක්  නිවස සොයාගෙන ගොස් විස්තර දැන ගැනිමෙන් පසුවයි.
 
අපිට කල හැකි උපකාර කරනවා. මේ ළමයාට ඉන්න ගෙයක් හදලා දෙන්න කියල තමයි ආච්චිත් ඉල්ලිම කරන්නේ.
 
තරිඳු මධුසංක ඉගනගන්න පංතියේ  ගුරුතුමිය වන පුෂ්පා කරුනාරත්න මහත්මිය මෙසේ  පවසයි.
 
මගේ පංතියට දේ දරුවා පැමිනි පසු මම දරුවා සමග කථා කලා වැඩ හොඳට පුළුවන් හැබැයි මොනවා හරි ගැටළුවක් ඇති බව මට පළමු දිනයේම වැට හුනා මම මේ දරුවාගෙන් විමසා සිටිය එවිට දැනගත්ත ආච්චි ලඟදරුවා සිටින  බව කවර හෝ ප්‍රශ්නයක් ඇති නිසා මම මේ බව විදුහල් පති තුමා දන්වලා ඒ මාර්ගයෙන් අපේ නායක හාමුදුරුවන්ට දන්වා සිටිය.
 
අපේ සර්ල දෙන්නෙක් ගොස් නිවසේ පිංතූර අරගෙන ඇවිත් අපිට පෙන්නුව අපේ පපුව හෝස් ගාල ගියා  මේ වගේ දරුවන් ට දෙමාපියන් දක්වන සෙනහස පිළිබඳ කවි කථා කියා දෙන්නනේ කොහොමද කියලා මම මගේ හදවතින් ඇසුවා.
 
මම ඉලන්නේ අනේ මේ ඉගන ගන්න පුළුවන් මල් කැකුලට පිපිදෙන්න ඉඩ දෙන්න පුළුවන් මහතුන් ඉන්නවනම්  නිවසක් හදල දෙන්න කියලා අපිත් ඉල්ලනවා. අපිටත් කල හැකි උපකාරයක් කරනවා. 
 ‍විමසීම් හුංගම හාතගල පිරිවෙන 0712581404

නව අදහස දක්වන්න