Thursday, මාර්තු 16, 2017 - 01:00
මදාරා මුදලිගේ
රන්වන් පැහැති පිත්තල ආලේපිත වානේ මිශ්ර ලෝහයකින් සැදුම්ලත් රුපියල සහ රුපියල් 5 කාසි, මල නොබැඳෙන වානේ මිශ්ර ලෝහයකට වෙනස් කර නව කාසි ද්විත්වයක් සංරක්ෂණයට නිකුත් කරනු ලබන බව ශ්රී ලංකා මහ බැංකුව විසින් පසුගිය දා ශ්රී ලංකා මහ බැංකුව මහජනතාවට දැනුම්දී තිබේ. රුපියල් 5 කාසියේ දාරයේ පැවැති අක්ෂර, මල නොබැඳෙන වානේ වලින් සැදුම්ලත් නව කාසියෙන් ඉවත් කර ඇත.
2005 වර්ෂයේ නිකුත් කරනු ලැබූ රුපියල සහ රුපියල් 5 කාසිවල පැවති පරිමාණ සහ මෝස්තර ඇතුළු අනෙකුත් ලක්ෂණ නවකාසිවල එලෙසම පවතී
ශ්රී ලංකා-නේපාල ව්යාපාරික සංසදය
ශ්රී ලංකා වානිජ හා කර්මාන්ත මණ්ඩල සම්මේලනය හා ශ්රී ලංකා - නේපාල් වානිජ හා කර්මාන්ත මණ්ඩලය එක්ව සංවිධානය කරනු ලබන “ශ්රී ලංකා - නේපාල ව්යාපාරික සංසදය” පසුගියදා වන දින වැල්ලතේ පිහිටි මිරාජ් මහෝටලමේදී පවත්වන ලදි.
ශ්රී ලංකාව හා නේපාල රාජ්ය අතර වෙළඳාම, ආයෝජනය, කුසලතා වර්ධනය හා ස්ථාවර ආර්ථික සම්බන්ධතා වර්ධනය කිරීම මෙම සංසදමේ ප්රධාන අරමුණ වූ අතර දෙරටෙහි ව්යාපාරිකයන් අතර ව්යාපාරික අවස්ථා පුළුල් කිරීම මඟින් දේශීය ආර්ථිකය ශක්තිමත් කිරීම මෙන්ම ව්යාපාරික ගැටලු පිළිබදව සාකච්ඡා කිරීම ද මෙහිදී සිදු විය.
ශ්රී ලංකාමේ පිහිටි නේපාල් තානාපති කාර්යාලය නියෝජනය කරමින් ධනා කුමාරි මජෝෂි මහත්මිය ද නේපාල වානිජ හා කර්මාන්ත මණ්ඩලමේ සභාපති රමේෂ් මහාරාජන්, ශ්රී ලංකා - නේපාල වානිජ හා කර්මාන්ත මණ්ඩලමේ සභාපති මොහොමඩ් කියාස් ඇතුළු දෙරටෙහි ව්යාපාරිකයන් රැසක් මෙම සංසදය සදහා සහභාගී වූ අතර සංවර්ධන උපාය මාර්ග හා ජාත්යන්තර අමාත්යාංශය, විදේශ කටයුතු අමාතයංශය, අපනයන සංවර්ධන මණ්ඩලය, වානිජ දෙපාර්තමම්න්තුව, සංචාරක මණ්ඩලය හා ආයෝජන මණ්ඩලය නියෝජනය කරමින් රාජ්ය නියෝජිතයන් රැසක් ද මෙම ව්යාපාරික සංසදය සදහා සහභාගී විය.
නව අදහස දක්වන්න