පාර අවහිර කළැයි රිමාන්ඩ් කළ 25ට ඇප | දිනමිණ

පාර අවහිර කළැයි රිමාන්ඩ් කළ 25ට ඇප

අධිකරණ නියෝග කඩකරමින් විරෝධතාවක නිරතවීමේ චෝදනා මත අත්අඩංගුවට ගෙන රක්ෂිත බන්ධනාගාර ගත කර සිටි බස්නාහිර පළාත් සභා මන්ත්‍රීවරුන් දෙදෙනා ඇතුළු පුද්ගලයන් 25 දෙනා ඇප මත මුදාහැර තිබේ.

ඒ මීගමුව ප්‍රධාන මහේස්ත්‍රාත් රුචිර වැලිවත්තගේ නියෝගයකට අනුවයි.

එක් අයෙකුට රුපියල් දස දහසක මුදල් ඇපයක් සහ රුපියල් ලක්ෂය බැගින් වු ශරීර ඇප දෙකක් මත ඔවුන් මුදාහැර ඇත.

මෙලෙස ඇප නියම වුයේ ආනන්ද හරිස්චන්ද්‍ර සහ ලලන්ත ගුණසේකර යන බස්නාහිර පළාත් සභා මන්ත්‍රීවරුන් දෙදෙනාට සහ බස් රියදුරන් සහ ත්‍රිරෝද රථ රියදුරන් පිරිසකට බව සඳහන්.

රථ වාහන වැරදි 07ක් සඳහා අය කෙරෙන අවම දඩ මුදල රුපියල් 25,000 දක්වා ඉහළ නැංවීමට රජය ගත්  තීරණයට එරෙහිව පසුගිය දෙසැම්බර් මස 02 වැනිදා ඔවුන් කොළඹ - මීගමුව ප්‍රධාන මාර්ගය සහ දුම්රිය මාර්ගය අවහිර කරමින් විරෝධතාවයේ නිරත වුණි.


නව අදහස දක්වන්න

CAPTCHA
This question is for testing whether or not you are a human visitor and to prevent automated spam submissions.
Image CAPTCHA
Enter the characters shown in the image.

Or log in with...