කූපන් ක්‍රමයෙන් මිදී ජීවනෝපායට දිරියක්

සමෘද්ධියට නව පණක් දීමට ‘දිවි නැඟුම’ දෙපාර්තමේන්තුවක්

සිය සවියෙන් නැඟෙන්නට වැඩියෙන් ප්‍රතිලාභ

නිලධාරීන්ට ස්ථිර රැකියා විශ්‍රාම වැටුප්

සමෘද්ධිලාභීන්ට වැඩි ප්‍රතිලාභ සහ සමෘද්ධි නිලධාරීනට විශ්‍රාම වැටුප් දිරිදීමනා සහිත තිරසාර අනාගතයක් උදාකිරීමේ අරමුණින් සමෘද්ධි ව්‍යාපාරයට නව පණක් ලබාදීමේ ජාතික වැඩපිළිවෙළක් ළඟදීම ක්‍රියාත්මක කැරේ. ජනාධිපති මහින්ද රාජපක්‍ෂ මහතාගේ පූර්ණ උපදෙස් මත මේ වැඩපිළිවෙළ ආරම්භ කැරේ. කූපන්පත් ආධාර ක්‍රමයෙන් මිදී ජීවනෝපාය ශක්තිමත් කොට ස්ව ශක්තියෙන් නැඟී සිටීමේ හැකියාව ජනිත කරවන ප්‍රතිලාභ සමෘද්ධිලාභීන්ට වඩ වඩාත් එක් කිරීමට නව වැඩපිළිවෙළ යටතේ . . . .

විස්තර »

ගමේ ඉස්කෝල ළමයින්ට
හයිහත්තියට බිත්තරයක්

නිෂ්පාදකයාට ඉහළ මිලක්

කුකුළු ගොවිපළ සුරැකේ

රට පුරා ග්‍රාමීය පාසල්වල සිසු දරු දැරියන්ගේ පෝෂණ මට්ටම ඉහළ දැමීම පිණිස රජය මඟින් දැනටමත් ලබා දෙන දිවා ආහාර වේලට බිත්තරයක් බැගින් ලබා දීමට රජය කටයුතු යොදා ඇත. එමගින් කුකුළු ගොවිපළ ව්‍යාපාරිකයන්ගේ බිත්තර නිෂ්පාදනවලට හොඳ මිලක් ලබා දීමටත් අපේක්ෂා කැරේ. එම වැඩපිළිවෙළ ඊයේ (16) මධ්‍යම පළාතේ පාසල්වලින් ආරම්භ වූ බව සමුපකාර හා අභ්‍යන්තර වෙළෙඳ කටයුතු පිළිබඳ අමාත්‍ය ජොන්ස්ටන් ප්‍රනාන්දු මහතා “දිනමිණ”ට පැවසීය.

විස්තර »

ශ්‍රී ලංකාවේ සාමයට රට නිර්දේශ ඕන නෑ

ජී. එල්. අමෙරිකාවට අපේ ක්‍රමය කියා දෙයි

අන්තර්ජාතික ප්‍රජාව නිර්දේශ කරන පරිද්දෙන් නොව ශ්‍රී ලංකාවට තිරසාර සාමය, ස්ථාවරත්වය හා සමෘද්ධිය ළඟා කරගත හැක්කේ දේශීය විසඳුම්වලින් බව ආණ්ඩුව යළි අවධාරණය කරයි. ත්‍රස්තවාදය අතිසාර්ථක ලෙස පරාජයට පත්කොට තෙවසරක් ගතවී ඇති මේ මොහොතේ ශ්‍රී ලංකාව ලබා ඇති ජයග්‍රහණ අතිවිශාල බව විදේශ කටයුතු ඇමැති මහාචාර්ය ජී.එල් පීරිස් මහතා ඇමෙරිකා එක්සත් ජනපද සෙනෙට් සභිකයන් හමුවේ ප්‍රකාශ කර තිබේ.

විස්තර »

ලියාපදිංචි නොවූ වෙබ් අඩවිවලට පිවිසීම අවහිර කිරීමට එරෙහි

නිදහස් මාධ්‍ය ව්‍යාපාරයේ
අයිතිවාසිකම් පෙත්සම ඉවතට

ශ්‍රී ලංකාවෙහි ලියා පදිංචි නොවී ඇති වෙබ් අඩවි පහකට පිවිසීම අවහිර කීරීමට එරෙහිව නිදහස් මාධ්‍ය ව්‍යාපාරය ගොනු කළ මූලික අයිතිවාසිකම් පෙත්සමක් වීභාගයට ගැනීම ප්‍රතික්ෂේප කළ ශ්‍රේෂ්ඨාධිකරණය ගාස්තු රහිතව ඊයේ (16) නිෂ්ප්‍රභ කෙළේය. එම පෙත්සම විභාගයට ගැනීමට තරම් ප්‍රමාණවත් කරුණු නැත යන්න මත ප්‍රතික්ෂේප කරන බව පෙත්සම ඉවතට දමමින් ශ්‍රේෂ්ඨාධිකරණය සඳහන් කෙළේය. ශ්‍රී ලංකාවෙහි ක්‍රියාත්මක වෙබි අඩවි ලියාපදංචි කළ යුතු බවට ප්‍රකාශ වීමෙන් පසු වෙබ් අඩවි 45ක් දැනට ජන මාධ්‍ය අමාත්‍යාංශයට අවශ්‍ය තොරතුරු ලබා දී . . . .

විස්තර »

අඩු ආදායම්ලාභී වැඩිහිටියන්ට
රුපියල් 1000ක මාසික දීමනාවක්

අඩු ආදායම්ලාභී වැඩිහිටියන් සඳහා රුපියල් 1000ක මාසික දිමනාවක් ලබාදීමට සමාජසේවා අමාත්‍යංශය කටයුතු යොදා ඇත. වයස අවුරුදු 70 ඉක්මවු ජ්‍යෙෂ්ඨ පුරවැසියන් මේ සඳහා සුදුසුකම් ලබන අතර ජුනි මස සිට මේ දීමනාව ලබාදෙන බව සමාජ සේවා ඇමැති ෆීලික්ස් පෙරේරා මහතා පවසයි. මේ වසරේදී ප්‍රතිලාභ හිමිකරගැනීම සඳහා සුදුසුකම් ලැබූ ජ්‍යෙෂ්ඨ පුරවැසියන් සංඛ්‍යාව 2,19,193කි. ‍මේ සදහා රුපියල් දශ ලක්ෂ 900ක් මේ වසරේදී රජය වැය කරන අතර ලබන වසර සඳහා (2013) රුපියල් දශ ලක්ෂ 2100ක් වෙන් කර තිබේ.

විස්තර »